Get it?

aliw baliw giliw

san iling ng ilaw pundi at dilimang di naririnig ang sigaw tuling sa gabi ng marupok kong sigbi

aliw aliw lipad sa tabi na walang humpay na palakpak sindi ng ilaw di maghuhumpay sa labi.

talon ng sanggol walang sukat ng akyat-baba sa paanan, di na makita ang pinagkaiba ng liwaliw

di kunwari totoong agip ng birhen ng buhay aliw aliw walang bayaran ang galaw ng baliw

baliw baliw tawag ng sindi sa pagitan ng bato ihip-buga hapdi ng pagdaan talim talim lalim

walang kaluluwang aari sa dilim walang nakikita sa dilim, di mahahanap ang ilaw sa dilim

bulag ang alipin bulol ang aking hangin bingi ang tagatanggap ng iyong kalimitang galaw

alugin ang mundo ng maramdamang muli sa taas ng bundok ako’y dalhin mo giliw

galaw galaw sa walang-hangganan, walang-katapusang aliw aliw tingnan mo ang mga mata sa dilim

biglang may makikitang apoy sunog sa loobang mainit sa gitna ng kadilimang madiin sa dibdib.

sa katapusan, kikita ang aliw aliw sa tinginang hanggang kaluluwa na sagip sa dilim

sa dilim dilim ngayo’y tibagin sa liyab ng mata sa titingin sa katapusan ng aliw giliw